මක්කයි වෙලා තියෙන්නේ

නැතිව ගොස්ය රුව
දකිනු ඇත්තේ සරාගී බව
යහන්ගත වෙන්න නොව සොයන්නේ
ගලවා ලන්නට
සළු පිළි නොව
පනුවෝ කැ දත

ආවර්ජනය

සිනිඳු සේල අන්දා මල් යහන මත් හොවා

මතකයි තුරුළු වූවා ඔබේ ළයට

ඒ ආදරයේ උණුහුමෙන් මෝදු වූ ගැබ

තව ටික දොහයි ඇත්තේ පුදින්නට

එතෙක් සිහිකරමින නුඹ 

ආසයි වැතිර ඉන්නට

සුවඳ ඉහිරුනු මල් යහන මත

ගීතය හා Track එක

පිනවන ලෙසට දන මන

රොද බැඳ මියුරු සත් සර

වසින ස්වර වැස්සක

තෙමී සැනසුනයි මා

ලියූ ගී සිත්තම

සමඟ මුහු කොට ස්වර නද

ලබැඳි කොවුලෙකු ගෙ හඬින්

අසා සැනසුනයි මා

අසන කල මිහිරි බණ පද

ලෙල නොදෙන ජල තලය විලසින

ගැයෙන ගී රාවය

දැහැන් ගැන්වූවයි මා

අඹරවා භීම්පලාසි රාගය

මැදින් එක්කොට කාෆි, යමන්

බොල් වියැට බඳු පද වැලක්

ගැයූවා නොව කි‍යූවා

ඇසෙන කල හරි මිහිරිය

දකින කල වඩ වඩා මිහිරිය :P

තටම තටමා කියූ

හපොයි මගේ  Track එක

by amith chinthaka

Feb 18^th 2012

අවසන් කැමැත්ත

මං මළ දා මා ගැන ගුණ කථන         එපා
සිටිනා කලදි නොහෙලූ සුසුම් හෙලනු     එපා
නෙත් දෙක ඔබේ කඳුලින් තෙත් කරනු     එපා
යලි යලි හමුවන්න පැතුමන් පුරනු     එපා

කියවා මා ලියූ දහසක් පද         පේලී
තෝරා සඟවලා ගිය මුතු         පේලී
ගුණ දොස් විමසලා කරමින් දිවිය     එළී
දෙනු මැන සිනහවක් ලිව්වට රස     පේලී

හරවා කඳුළු බිඳු කාබන්         සායමට
සඟවා දහසකුත් ලතැවුල් කොළය     තුල
වින්දත් සිනහවෙන් මිතුරේ කවියෙ     රස
දැනගනු කවිය නොව ඔය මගෙ     ජීවිතය

පොදි බැඳ මතක සටහන් මගෙ         ජීවිතයේ
විඳ විඳ එහි පැහැය මතකයෙ         සිතුවමිනේ
යන්නට සැරසෙන මේ සුන්දර         ගමනේ
විස්තර කියම්දෝ කෙලෙසින් මා     මිතුරේ

by amith chinthaka
Feb 9th 2012

සමාජ වෘක්ෂය

වියළී හුන් තැන අහිමි වී

බිම වැටුණු කොලයක්මි මම...

සවිව උන් කල තෙදැති රුකට

කලද සේවය නිතර වෙහෙසී

අද බිමය අසරණව මරණයට නියම වී..

නොමැත මට පැන්ෂන්, ග්‍රැටිවිටි, ETF

ක්ෂයව ගිය වත පමණි ඉතිරිව ඇත්තේ

ලපටි දල්ලක්ව අලුත ඇතිවූ රිකිල්ලකින්

පැන නැගුනු දිනේ සිට

උරුම සේවය කලෙමි නිරන්තරයෙන්

පියඹ ආ සොඳුරු සමනළ තටු දැක

හැමූ සුළඟින් මග විමසා

පාව යන්නට සිතුන මුත් පාරාදීසයට

සෙනෙහෙ නොලදින් මාපියන්ගේ

කෙසේ යන්නද.. කවුරු දේවිද මට අත්තටු..

කුමර සැප විඳි මල් වලට සමනළ බඹරු හාදු දුන්නත්

ඉදුණු ගෙඩි පාරාදීසය බලා ඉගිලුනත්

කවුරු දේවිද මට හාදු කවුරු ගෙන යාවිද මා පාරාදීසයට

දුක විමසන මිතුරු සුළඟ

මල් සුවඳ ගෙන හමා යාවිද හැමදාමත්

දුටුවෙමි තව තවත් අලුතින් උපදින පොඩ්ඩන්

සිතුනේ නැත තරහක් හෝ දුකක්

උන් ගත්තත් මගේ තැන

නැත්තේ සතුටක්ද අත්වන ඉරණම දැනීමෙන්

දැනගනු මේ රුක මහළු උන් දරා නොසිටින බව..

උපන්නත් සොඳුරු සිහින අතැතිව

නොදැනීම ගෙවී ගොස් උඹේ ළමා විය, තරුණ විය

ලැබූ කල වාරු නැති මහළු විය

නොලැබෙනු ඇත උඹට ඉඩක් මේ රුක තුල

වෙන්නේ ගිලිහී ගොසින් සිපගන්නයි මහ පොලොව

කවදත් මිතුරු සුළඟ එදිනට වෙයි උදව්

පතිත වන්නට මහ පොලොව මත රිදීමකින් තොරව

ඔහුට කම් නැත සිටින කල උඹ සිටි උඩ

සලකනු ඇත සියලු දෙනාටම එක ලෙස පතිත වන්නට බිම...

by amith chinthaka

Oct 8^th 2011

මාලතී

ඔව්, මං ආදරෙයි!
මං ආදරෙයි!!
තොපි පිළිගන්නෙ නැති වුනාට මං ඒකිට ආදරෙයි!!!
මාත් එක්ක ඉන්න පැයේ දෙකේ හරි
ඒකි මට ආදරේ දෙනවා.. අඩුවක් නැතිව
තොපි වගේ.. ,
තොපි වගේ හොරට කිරන්නැතිව
මේ මූසල තනිකමේ මැරෙනවට වඩා
ඒකිගෙ උණුසුම මට වටිනවා
ඒකි තව එවුන් එක්ක යනවා තමා..
ඒ වුනාට මං ආදරෙයි ඒකිට
ඒකි විතරයි මගේ දුක අහගෙන ඉන්නේ
ඒකි විතරයි...
ඉතින් මට ඒකිව වටිනවා
මම වීසි කරන දාහේ කොල වලට වඩා...
මොකද..?
නොදකින් පෙරේතයො ටික,
තොපි හිතනවද මම ඒකිත් එක්ක..
මම ඒකිත් එක්ක හිනා වෙනවා..
කතා කරනවා.. අඬනවා..
සමහර වෙලාවට.. සමහර වෙලාවට ඔහේ බලාගෙන ඉන්නවා..
මම හරියට, හුලඟේ පාවෙලා යන වේලිච්ච කොලයක් වගේ
ඔහේ පාවෙලා යනවා..
ඒකිත් හරියට හුලඟ වගේ
මගේ ළඟින්ම දැවටි දැවටි ඉන්නවා...

by amith chinthaka
Sept 28th 2011

පෙරට්ටුව

සීරුවේ..න් සිටින්
පහසුවේ..න් සිටින්
ඔය අපූරුවට කරන්නේ...
ඔලුවට පහලින්ලුනෙ ඔය හිත තියෙනවා කියන්නේ
හිතත් හරියට ගෑ..නියෙක් වගේ
හැඟීම් කියන ඒවා, වාවගන්නම බෑනෙ
හැබැයි ඔය ඔලුව, පිරිමියෙක් වගේ
ඒ වුනත් ඌ.. ගෑනිට බයයි
ඉතින්, දෙයක් කරන්න ගියාම ගෑනි අවසර දෙනකම්ම ඉන්නවා
පෙරට්ටුවෙදී...
අපේ සර් ඉස්සෙල්ලම කරන්නේ
ඔය අසික්කිත ගෑනිව පන්නලා දාන එක
දැන් ඉතින් මිනිහට වැනෙන්න දෙයක් නෑ
වැඩේ හරි ලේසියි ඕයි මේ ක්‍රමේට
ජීවිතෙත් හරි යුධ බිමක් තමා
හිත් පිත් නැති කර ගත්තු මිනිස්සුන්ගේ
සීරුවේ..න් සිටින්
පහසුවේ..න් සිටින්
දන්නවද, දත්මිටි කාගෙන හරි ඔය ගෑනිව පන්නලා දාපල්ලා...
සීරුවේ..න් සිටින්
පහසුවේ..න් සිටින්

by amith chinthaka
Sept 27th 2011