මං මළ දා මා ගැන ගුණ කථන එපා
සිටිනා කලදි නොහෙලූ සුසුම් හෙලනු එපා
නෙත් දෙක ඔබේ කඳුලින් තෙත් කරනු එපා
යලි යලි හමුවන්න පැතුමන් පුරනු එපා
කියවා මා ලියූ දහසක් පද පේලී
තෝරා සඟවලා ගිය මුතු පේලී
ගුණ දොස් විමසලා කරමින් දිවිය එළී
දෙනු මැන සිනහවක් ලිව්වට රස පේලී
හරවා කඳුළු බිඳු කාබන් සායමට
සඟවා දහසකුත් ලතැවුල් කොළය තුල
වින්දත් සිනහවෙන් මිතුරේ කවියෙ රස
දැනගනු කවිය නොව ඔය මගෙ ජීවිතය
පොදි බැඳ මතක සටහන් මගෙ ජීවිතයේ
විඳ විඳ එහි පැහැය මතකයෙ සිතුවමිනේ
යන්නට සැරසෙන මේ සුන්දර ගමනේ
විස්තර කියම්දෝ කෙලෙසින් මා මිතුරේ
by amith chinthaka
Feb 9th 2012
No comments:
Post a Comment