ඇවිදින්නෙමි මා ඔබ මත
ඉදිරියටම
නොනැවතී ඇඟට නොදැනිම සෑම නිමේශයකම
පියවරින් පියවර තබමින්
ඇවිදින්නෙමි ඉදිරියටම
පසුපස හැරී බැලීමට අවසර මුත්
ආපසු යාමට ඉඩක් නැත
නොඉවසිලිමත් කම මෝදුවන්නට වූයෙන්
පසුපසට පියවරක් තැබීමට සිත් විය
කෙතරම් වෙර දැරුවත් නවතින්නේ නැත මේ ගමන
තවමත් මම සුපුරුදු ලෙස
ගලායන්නෙමි ඉදිරියටම
ක්‍රෝධයද අධිෂ්ඨානයද ඉහවහා ගියෙන්
පැන්නෙමි පිම්මක් පසුපසට
නව පිම්මේ ජවය දැකීමට
නව ලොව හිරු දැකීමට
දෙනෙත් හැර බැලුවෙමි ප්‍රීතියෙන්
අහෝ…
හැඩතල වෙනස් වුවත් පැන ඇත්තේ ඉදිරියටමය
ආපසු පැනීමද මාගේ ගමනේ ඉදිරියට පැනීමක් විය
මට වැටහුණි,
මේ අපූරු ගමනේ පසුපසට තබන්නට අඩියක් නැත
තැබිය හැක්කේ ඉදිරියට පමණි
ගෙවී ගිය හැඩතල නැවත වින්දත්
එය ආපසු යාමක් නොව
අපූරු ගමනේ තවත් එක් ඉදිරි පියවරක්මය
යා හැක්කේ ඉදිරියටම බැවින්
යා යුත්තේද ඉදිරියටම පමණි
විසිතුරු හැඩතල අපූරු මතකයන් තුලින්
ඉදිරි ලෝකය වර්ණවත් කරණු වස්
යා යුත්තේ ඉදිරියටම පමණි
ඔබට ඔබේ ගමන නතර කල හැක
නමුත් ආපසු යා නොහැක
ඇතිතටම මට
ආපසු යා නොහැකිද?
by amith chinthaka
Jan 1st 2009
Deep
No comments:
Post a Comment